Գիտնականները ալկոհոլ օգտագործող մարդկանց լյարդի առողջությունը գնահատելու նոր եղանակ են մշակել, որը կարող է հայտնաբերել լյարդի վնասման թաքնված նշաններ՝ ակնհայտ ախտանիշներից կամ արյան մեջ սովորական մարկերների բարձրացումից առաջ։

Ավանդական արյան հետազոտությունները, մասնավորապես՝ լյարդի ֆերմենտների մակարդակը, կարող են սահմանված չափով մնալ լյարդի վնասման վաղ փուլեր ունեցող մարդկանց, հատկապես չափավոր կամ պարբերաբար խմողների մոտ։ «Ալկոհոլի բջջային սթրեսի միավոր» կոչվող նոր գնահատման համակարգը չափում է լյարդի բջիջների սթրեսը և բորբոքումն արտացոլող բիոմարկերների համադրությունը՝ նման կերպ բացահայտելով ալկոհոլի ազդեցության տակ տեղի ունեցող ավելի աննշան փոփոխությունները։

Hepatology բժշկագիտական հանդեսում հրապարակված հետազոտությունը պարզել է, որ այդ նոր միավորը կապված է էլաստոմետրիա կոչվող ոչ ինվազիվ պատկերագրական տեխնիկայի միջոցով հայտնաբերված և հյուսվածքների կոշտությունը չափող լյարդի կառուցվածքային փոփոխությունների վաղ նշանների հետ։

«Ալկոհոլի բջջային սթրեսի» բարձր ցուցանիշներ ունեցող մարդիկ միաժամանակ ավելի հակված էին ճարպային լյարդի ներթափանցման և վաղ ֆիբրոզի նշաններ ցուցաբերելուն, նույնիսկ երբ լյարդի ստանդարտ ֆերմենտները նորմալ էին։

Հետազոտության հեղինակը նշում է, որ նման փոփոխությունների վաղ հայտնաբերումը կարող է կարևոր լինել ալկոհոլային լյարդի հիվանդության ծանր ձևերի կանխարգելման համար, քանի որ շատ բուժառուներ համար ուշ փուլերում են դիմում բուժօգնության, երբ բուժումն ավելի դժվար է։

Հետազոտությունը չափում է մի քանի սպիտակուցների և մոլեկուլների մակարդակները, որոնք արտացոլում են բջջային սթրեսը, բորբոքումը և նյութափոխանակության խանգարումները, և հնարավորություն է տալիս գնահատել, թե ինչպես է ոգելից խմիչքն ազդում լյարդի բջիջների վրա մոլեկուլային մակարդակում, այլ ոչ թե միայն անուղղակի նշանների միջոցով։

Գիտնականները հույս ունեն, որ այդ համապարփակ արյան թեստը կարող է օգնել բժիշկներին ավելի վաղ հայտնաբերել հիվանդության զարգացման ռիսկի ենթակա մարդկանց, նրանց հնարավորություն ընձեռելով կատարել կենսակերպի փոփոխություններ, նվազեցնել ալկոհոլի օգտագործումը կամ արագ սկսել բուժումը։

Սակայն հետազոտողներն ընդգծում են, որ դեռևս անհրաժեշտ են լրացուցիչ կլինիկական փորձարկումներ՝ տարբեր պոպուլյացիաներում թեստի ճշգրտությունն ու օգտակարությունը հաստատելու համար։