«Communications Biology» ամսագրում հրապարակված հետազոտությունը ցույց է տալիս, որ կրծքագեղձի քաղցկեղից մահացության ռիսկը զգալիորեն կախված է տարիքից և հիվանդության զարգացման փուլից, ընդ որում՝ տարիքային խմբերի միջև տարբերությունները մնում են էական նույնիսկ ախտորոշման և բուժման ընդհանուր բարելավման ֆոնին:

Գիտնականները վերլուծել են հիվանդացության ու մահացության վերաբերյալ տվյալները և հանգել այն եզրակացության, որ տարիքը շարունակում է մնալ հիվանդության ելքի վրա ազդող հիմնական գործոններից մեկը:

Ավելի բարձր տարիքային խմբերում մահվան ելքի հավանականությունը զգալիորեն ավելի մեծ է, ինչը կապված է ինչպես ուռուցքների կենսաբանական առանձնահատկությունների, այնպես էլ ուղեկցող հիվանդությունների և ուշ հայտնաբերման հետ:

Ընդգծվում է, որ, չնայած թերապիայի և վաղ ախտորոշման ոլորտում արձանագրված առաջընթացին, տարեց պացիենտների շրջանում կրծքագեղձի քաղցկեղը դեռևս ընթանում է ավելի ագրեսիվ կամ հայտնաբերվում է ավելի ուշ փուլերում, ինչը վատթարացնում է հիվանդության կանխատեսումը:

Միևնույն ժամանակ, զարգացած երկրներում ընդհանուր միտումը մնում է դրական. սքրինինգի և բուժման ժամանակակից մեթոդների շնորհիվ մահացության մակարդակն աստիճանաբար նվազում է, սակայն տարիքային խմբերի միջև տարբերությունները պահպանվում են և պահանջում են բժշկական ռազմավարությունների ավելի ճշգրիտ հարմարեցում: