նախընտրելի դարձնել
Այսօր շատ մարդիկ (եւ մանավանդ՝ երեխաներ) անեմիայով են տառապում, քանի որ սխալ են սնվում. շատերի սննդակարգի մեծ մասն այսօր կազմում են խմորային եւ կաթնային մթերքները, որոնցում երկաթը գրեթե բացակայում է: Զարմանալի չէ, որ նրանց օրգանիզմը սկսում է հյուծվել, իսկ իմունային համակարգը թուլանում է եւ չի կարողանում բավարար քանակությամբ հակամարմիններ ստեղծել:
Մարդու օրգանիզմը օրական մոտ 4-33 մգ երկաթի կարիք ունի՝ կախված սեռից եւ տարիքից: Ո՞ր սննդամթերքներից է հնարավոր այդ երկաթը ստանալ: Հարցի պատասխանը՝ այս աղյուսակում (երկաթի պարունակությունը՝ մգ՝ 100 գրամում).
Չորացրած մասուր - 28 Չորացրած խմորի՝ «դրոժներ» -18
Ցորենի թեփ - 14 Սոյա -12-13 Լոբի -12 Կակաոյի փոշի - 12
Խոզի լյարդ - 12 Սիսեռ - 9-10 Տավարի լյարդ - 9 Լյարդի պաշտետ - 8 Հնդկացորեն - 8 Ցորեն - 5 Ամբողջական ցորենի ալյուր - 4-6 Վարսակի շիլա - 4,5 Սեւ սալորաչիր - 4 Սպանախ - 3-5 Հավի ձու - 2-3 Ձկներ - 0,5-1 Կովի կաթ - 0,1-0,2
Սակայն մի մոռացեք, որ երկաթն ամբողջովին չի յուրացվում՝ օրգանիզմը կարող է ստացած երկաթի միայն մոտ 10 տոկոսը յուրացնել: Բացի այդ, կա կարծիք, որ լոբեզենից ստացված երկաթն էլ ավելի վատ է յուրացվում՝ առկա այլ միացությունների պատճառով: Որոշ մասնագետներ էլ պնդում են, որ թեյի եւ սուրճի օգտագործումը էլ ավելի է նվազեցնում երկաթի յուրացումը, իսկ նարնջի հյութը՝ ընդհակառակը՝ լավացնում է այն:
