Շատ երեխաներ սնվելու հարցում քմահաճ են եւ չեն ցանկանում ուտել որոշ օգտակար մթերքներ: Մի՞թե դա նշանակում է, որ նրանք պետք է մուլտիվիտամիններ ընդունեն, որպեսզի օրգանիզմը սննդարար նյութերի պակաս չունենա: Մայրերին հուզող այս հարցին պատասխանել է ամերիկյան Foxnews.com-ի բժշկական խմբագիր Մաննի Ալվարեզը:

Նրա խոսքով՝ երեխաների մեծ մասի համար սիրելի հացահատիկային փաթիլները (хлопья), կաթը,  նարնջի հյութը հարուստ են վիտամիններով եւ կալցիումով եւ շատ օգտակար են  երեխաների համար: Ուստի եթե երեխան ուտում է վերոնշյալ մթերքները, ապա կարելի է ասել, որ նա ստանում է օրգանզիմի համար անհրաժեշտ սննդարար նյութերի պաշարը եւ վիտամիններ ընդունելու կարիք չկա:

Իսկ եթե երեխան ունի ներքոհիշյալ խնդիրներից որեւէ մեկը, ապա բժիշկը խորհուրդ է տալիս դիմել մասնագետի օգնությանը եւ քննարկել վիտամիններ ընդունել-չընդունելու հարցը:

-Եթե երեխան ունի սնման խանգարում

 -Եթե երեխան ունի զարգացման ուշացում

- Եթե երեխան կանոնավոր չի սնվում

- Եթե երեխան չի ստանում անհրաժեշտ քանակությամբ D վիտամին

- Եթե երեխան ունի քրոնիկ հիվանդություն կամ ալերգիա սննդից

 -Եթե երեխան բուսակեր է

 Բժիշկը նաեւ հիշեցնում  է, որ չափից շատ վիտամինների ընդունումը եւս վտանգավոր է: