Մարդիկ չեն կարողանում հետեւել դիետային, քանի որ մշտապես սովածություն են զգում եւ այդ պատճառով սթրես են ապրում: Սակայն բժիշկ Ջոզեֆ Կոլելը, ով բարիատրիկ վիրաբույժ է եւ նիհարելու մասնագետ, նշում է, որ դիետաների ընթացքում սովածություն զգալու խնդիրը շատ հեշտ կարելի է լուծել, պետք է կրճատել կալորիաները, փոխարինել արագ ածխաջրերը եւ ճարպերը սպիտակուցներով:

Ահա թե ինչ խորհուրդներ է տալիս նա The Appetite Solution իր նոր գրքում:

  1. Շաքար

Օրական չի կարելի 20 գրամ շաքարից ավել ուտել, ընդ որում՝ ամեն ուտեստի մեջ պետք է պարունակվի 5 գրամից ոչ ավել: Այս շաքարը շատ արագ յուրացվում է եւ հայտնվում արյան մեջ՝ սովածության զգացում առաջացնելով: Այդ պատճառով շաքարի օգտագործումը պետք է նվազագույնի հասցնել:

Իսկ ահա բարդ շաքարները (միրգ, բանջարեղեն եւ այլն) այդքան վտանգավոր չեն, քանի որ դրանց հետ մեկտեղ օրգանիզմ բջջանյութ է մուտք գործում, այդ պատճառով շաքարի մակարդակն արյան մեջ դանդաղ է բարձրանում:

2. Սպիտակուցներ

Մասնագետը խորհուրդ է տալիս օրական օգտագործել այնքան գրամ սպիտակուց, որքան դուք ուզում եք կշռել: Օրինակ, եթե Դուք ուզում եք, որ Ձեր քաշը լինի 150 ֆունտ (68 կգ), ամեն օր պետք է ուտել մոտ 150 գրամ սպիտակուց: Սպիտակուցները կասեցնում են ախորժակը եւ թույլ տալիս ազատվել սովածության զգացումից: Ավելին՝ նյութափոխանակության ընթացքում դրանք երբեք ճարպերի չեն վերածվում:

3. Վարժություններ

Նիհարել ցանկացող մարդիկ սովորաբար սկսում են ոչ միայն հետեւել դիետայի, այլ նաեւ սպորտով զբաղվել սակայն Ջոզեֆ Կոլելան դա ճիշտ չի համարում: Սկզբում, նրա խոսքով, պետք է կարգավորել սննդակարգը (քիչ շաքար, շատ սպիտակուց) եւ միայն դրանից հետո մտածել վարժությունների մասին: Ընդ որում՝ ավելի մեծ ուշադրություն պետք է դարձնել մարմնի ամենամեծ մկանները զարգացնելուն: