Քանի որ սպիտակուցը երկար է մարսվում, այն պահպանում է հագեցվածության զգացողությունը, դա շատ լավ նորություն է նիհարել ցանկացող մարդկանց համար: Դրանից զատ այն ձեր մկանների համար ամենալավ լուծումն է, քանի որ այն օգնում պահպանել դրանք:

Գիտեք արդյո՞ք, ինչքան սպիտակուց է ձեզ պետք եւ ինչ՞ն է  հանդիսանում դրա լավագույն աղբյուր:

Սպիտակուցը պարունակում է բոլոր անփոխարինելի ամինաթթուները: Աղբյուրներն են ՝  կաթնամթերք, միս, ձվի սպիտակուց եւ սոյա, տեղեկացնում է Քլիվլենդի կլինիկան։

Սպիտակուցը պետք է կազմի օրական սննդակարգի 10-35%՝ կախված ձեր առողջության ընդհանուր վիճակից եւ ակտիվությունից: Միջինում, հասուն առողջ մարդը պետք է օրական 0.8-1.0 գ/ կգ սպիտակուց օգտագործի: Դա նշանակում է, որ 150 ֆունտ քաշ ունեցող կինը (մոտավորապես 68 կգ) պետք է իր ցերեկային սննդակարգի մեջ ներառի 54-68 գր սպիտակուց: Պետք է յուրաքանչյուր օր համապատասխան քանակի սպիտակուց օգտագործել, այլ չծանրաբեռնել դրանցով օրգանիզմը  ընդհանրապես  չօգտագործել հաջորդ երկու օրը: Օրգանիզմը սիրում է համաձայնեցվածություն, հատկապես սպիտակուցների օգտագործման հարցում:

Կենդանական սպիտակուցներն առավել « բիոհասանելի են»: Դա նշանակում է, որ կենդանական ծագման մթերքներից ստացված սպիտակուցները ավելի հեշտ են յուրացվում օրգանիզմի կողմից:

Սպիտակուցի մյուս լավ աղբյուրներն են լովազգիները (չորացրած լոբի եւ սիսեռ), ընկույզ, սերմեր եւ ոչ ճարպոտ  կաթնամթերք, ինչպիսին է հունական յոգուրտը: