նախընտրելի դարձնել
Եթե դուք ուզում եք նիհարել, կենտրոնացեք այս փոքր փոփոխությունների վրա, որոնք առաջարկում է Կելլի Պրիտչետտը՝ գիտությունների թեկնածու, սննդի եւ դիետոլոգիայի Ակադեմիայի ներկայացուցիչը, Տրեյսի Յաբլոն Բրենները՝ Real Food Moms կազմակերպության գլխավոր գործադիր տնօրեն եւ Քիմբերլի Գոմերը՝ Pritikin դիետոլոգիայի կենտրոնի գրանցված դիետոլոգ, տեղեկացնում է Fox News-ը.
Նախաճաշ
Մյուսլիի փոխարեն վարսակի շիլա կերեք
Quaker Steel –ի կես բաժակ պատրաստի վարսակի շիլան պարունակում է ընդամենը 150 կալորիա, 2,5 գր ճարպ եւ 1 գր շաքար:
Ճաշ
Ռեհանով տոմատե ապուրի փոխարեն կերեք արգանակով մինեստրոնե ապուր
Մի թողեք, որ «տոմատե » բառը ձեզ մոլորության մեջ գցի: Այդ պատճառով ապուրն այնքան խիտ է, քանի որ սերուցք է պարունակում, եւ այսպսիսի ապուրի մեկ չափաբաժինը կարող է ձեզ մոտ 500 կալորիա պարգեւել:
Ընթրիք
Սպիտակ ալյուրից մակարոնեղենի փոխարեն կերեք «Սպագետտի սկվոշ»
Ի լրացում խնայած 200 կալորիային, Սկվոշը պարունակում է վիտամին C, ֆոլաթթու եւ մագնեզիում, որոնք ձեզ էներգիա կտան:
Նախուտեստ
Տապակած պիտայով (արաբական հաց) հումուսի փոխարեն կերեք հումուս կարմիր պղպեղով
Պիտան սիրում է թաքնվել առողջ նախուտեստի անվան տակ, բայց իր կալորիաների քանակությամբ այն քիչ է տարբերվում սպիտակ հացից:
Գարնիր
Կարտոֆիլե պյուրեի փոխարեն կերեք ծաղկակաղամբով պյուրե
Ոչ ճարպոտ օսլան ապահովում է վիտամին C-ի ցերեկային չափաբաժինը ընդամենը 27 կալորիա մեկ ամանի մեջ:
Համեմունքներ
Թթվասերի փոխարեն հունական յոգուրտ կերեք
Սովորական հունական յոգուրտը եւ թթվասերը այնքան նման են համով եւ խտությամբ, որ հեշտությամբ կարելի է փոխարինել ճարպոտ թթվասերը սպիտակուցներով հարուստ այլընտրանքով:
Աղանդեր
Պաղպաղակի փոխարեն սառեցված բանան կերեք
Դուք ոչ միայն կխուսափեք շաքարից, այլ նաեւ կստանաք կալիում, ֆոլաթթու, եւ վիտամին C: Եթե դուք մի քանի րոպե ունեք, կարող եք բանանը գցել խոհանոցային կոմբայնի մեջ՝ նրան ձեր սիրելի փափուկ պաղպաղակի սերուցքային կառուցվածքը հաղորդելու համար:
