նախընտրելի դարձնել
Եթե չափազանց երկար նայենք մեկ ուրիշ մարդու աչքերի մեջ, կարող են զգայախաբություններ առաջանալ, պնդում են հետազոտողները:
Ուրբինոյի համալսարանում անցկացված գիտափորձի մասնակիցները պնդել են, որ իրենց դիմաց գտնվող մարդու դիմագծերն անընդհատ փոխվել են:
Ոմանք նույնիսկ հրեշների են տեսել: Գիտափորձին 40 մարդ է մասնակցել, պատմում է The Daily Mail-ը:
20 մասնակից նստել է վատ լուսավորված սենյակում, իրարից քսան մետր հեռավորության վրա: Կամավորները չեն իմացել, թե որն է գիտափորձի նպատակը: Նրանց խնդրել են 10 րոպե անընդմեջ նայել իրար: Մեղմ լուսավորությունը թուլացրել է գույնի ընկալումը եւ մասնակիցներին թույլ է տվել կենտրոնանալ գւիտափորձի ընթացքում իրենց զուգընկերոջ դիմագծերի վրա:
Ստուգման խմբից 20 մարդ նստած է եղել նույնանման լուսավորությամբ սենյակում, բայց նայել է դատարկ պատին: Հետո բոլոր կամավորները հարցաթերթիկ են լրացրել: Հարցաթերթիկներից մեկում հարցեր են եղել այն մասին, թե իրենք ինչ են տեսել, իսկ մյուսում` իրականությունից անջատման զգացողության մասին: Փորձնական խմբի մասնակիցներից շատերը գիտափորձի ընթացքում կորցրել են կապը իրականության հետ:
Կամավորներից 90%-ի խոսքով, դիմացինի դիմագծերն աստիճանաբար աղճատվել են: Խմբի անդամների երեք չորրորդը հրեշների է տեսել, 50% -ը սեփական դիմագծերն է նշմարել դիմացինի դեմքին, իսկ 15%-ը` ազգականների: Իրականությունից օտարացման զգացողությունն ու դիմագծերի աղճատումը, պարզվել է, կապված են իրար հետ: Հրեշների եւ իրականությունից կտրված լինելու միջեւ կապ չի եղել:
