նախընտրելի դարձնել
Շատերը մասնագետներին հարցնում են, թե հատկապես որ մթերքներն են օգտակար մաշկի համար: Մասնագետներն էլ հիմնականում պատասխանում են, որ մաշկի համար օգտակար են այն մթերքները, որոնք օգտակար են ամբողջ օրգանիզմի համար՝ չէ՞ որ մաշկի վիճակը հիմնականում արտացոլում է մարդու ընդհանուր առողջական վիճակը:
Քլիվլենդի բուժարանի մասնագետները ներկայացրել են մի քանի մթերք, որոնք օգտակար են թե ամբողջ օրգանիզմի, թե մաշկի համար:
Ձուկ
Օմեգա 3 ճարպաթթուները նվազեցնում են տրիգլիցերիդների մակարդակը ու օգնում են պայքարել բորբոքման դեմ: Նրանք նաեւ պահպանում են կոլագենները, դրանով իսկ մաշկը դարձնելով ավելի ձիգ: Օմեգա 3 ճարպաթթուների լավագույն աղբյուրը ձուկն է, հատկապես .
- Սաղմոն
- Լճի իշխան
- Սարդինա եւ անչոուս
- Թյունիկ
- Ատլանտյան թառափ
- Ճարպաթթուների բուսական աղբյուրները
Ճարպաթթուները, որոնց անդրադարձանք, կան նաեւ որոշ բանջարեղեններում, ընդեղենում ու յուղերում, բայց դրանց քանակն այնտեղ ավելի քիչ է, քան ձկան մեջ: Ձեզ ենք ներկայացնում օմեգա 3 ճարպաթթուների որոշ բուսական աղբյուրներ.
- Հունական ընկույզներ ու ընկույզի յուղ
- Սոյայի մթերքներ ու սոյայի յուղ
- Կանճրակի յուղ
- Սպանախ
- Մանանեխի տերեւներ
- Հացահատիկի սաղմերը
- Մրգեր, բանջարեղեն ու շոկոլադ
Մրգերը, բանջարեղենը ու մուգ շոկոլադը օրգանիզմին մատակարարում են հակաօքսիդանտներ ու վիտամիններ, որոնք մեզ պաշտպանում են ազատ ռադիկալներից ու այն վնասից, որոնք դրանք կարող են հասցնել:
Շատ հակաօքսիդանտներ կան նաեւ լոլիկի ու այն ամենի մեջ, որոնք պատրաստվում են լոլիկից ( տոմատ, կետչուպ): Ահա հակաօքսիդանտների եւս մի քանի լավ աղբյուր.
- Ելակ
- Ցիտրուսայիններ՝ նարինջ, թուրինջ, կիտրոն, լայմ
- Մուսկուսային սեխ
- Ծիրան
- Բրոկոլի
- Քաղցր կարտոֆիլ
- Սպանախ
Իսկ ինչ վերաբերում է շոկոլադին՝ նախապատվությունը ցանկալի է տալ այն շոկոլադին, որի մեջ առնվազն 60-70 տոկոս կակաո կա:
