նախընտրելի դարձնել
Բրիտանական դիետիկ ասոցիացիայի մասնագետները հաստատել են որոշ սննդամթերքների ճարպեր այրելու կարողությունը: Նրանք համաձայնել են, որ այդ մթերքները մեծացնում են ճարպային նյութափոխանակությունը եւ նվազեցնում են մարմնում ճարպային կուտակումը, հայտնում է The Independent-ը:
Մասնավորապես, բրիտանացի դիետոլոգները չորս սննդամթերք են ընտրել, որոնց օգտագործումն օրգանիզմին կօգնի այրել վնասակար ճարպերը:
Հունական յոգուրտ (հայկական մածուն)
Կաթնային շիճուկ, շաքար եւ ածխաջրեր գրեթե չպարունակող այս յոգուրտը միաժամանակ մեծ քանակությամբ սպիտակուցի աղբյուր է, ինչը երկար ժամանակով հագեցածության զգացում է տալիս:
Բջջանյութ
Մթերքներում բջջանյութի բարձր մակարդակը հանգեցնում է դրանց դանդաղ մարսմանը, ինչն օրգանիզմին ստիպում է ճարպային պահուստից ավելի շատ էներգիա ծախսել: Բջջանյութով հարուստ մթերքներ են` գորշ բրինձը, ամբողջական հատիկավորները, բակլայաբույսերը, մրգերը, բանջարեղենը:
Չիլի պղպեղ
Չիլի պղպեղը կապսաիցին է պարունակում` ալկալոիդ, որը բարելավում է նյութափոխանակությունը եւ օգնում է սպիտակ ճարպային հյուսվածքը վերափոխել գորշ ճարպի:
Ձմերուկ
Ձմերուկն առանձնանում է ոչ միայն նրանով, որ 92 տոկոսով ջրից է կազմված, որը նպաստում է քաշի կորստին, այլեւ А եւ С վիտամիններ է պարունակում, որոնք շատ կարեւոր են օրգանիզմի նյութափոխանակային գործընթացների համար:
