նախընտրելի դարձնելՆոր տեսակի մանրադիտակը գիտնականներին հնարավորություն է տվել առաջին անգամ հետեւել, թե ինչպես է զարգանում կաթնասունի երեխան իր կյանքի առաջին օրերին. սկսած ձվաբջջի բեղմնավորումից, վերջացրած բլաստոցիստայի ձեւավորմամբ, որը կպչում է արգանդի պատին:
Կաթնասունների սաղմերը ծայրաստիճան զգայուն են վառ լույսի նկատմամբ, որը կիրառվում է բարձր լուծողականությամբ ստանդարտ մանրադիտակներում: Մեկ այլ տեխնիկա (մակերեսային լուսավորման մանրադիտարկումը) հնարավորություն է տալիս լուսավորել սաղմի սոսկ մի բարակ կտրվածքը` նվազագույնի հասցնելով կենդանի օրգանիզմի ճառագայթումը:
Գերմանացի գիտնականները մակերեսային լուսավորման փոխատեղվող մանրադիտակ են կառուցել, որի օգնությամբ կարողացել են նկարահանել մկան սաղմի զարգացումը զիգոտի փուլից (բեղմնավորված ձվաբջջի) մինչեւ բլաստոցիստայի փուլ:
Բացի այդ, նրանք պարզել են, որ բջիջների տարբերակում առաջին անգամ տեղի է ունենում, երբ սաղմը ութ բջջից 16-ի է հասնում: Կիսվելու ընթացքում այն բջիջները, որոնք մնում են սաղմի ներսում (ութ հատ), կվերածվեն կենդանու օրգանիզմի, իսկ արտաքին մասի բջիջները (կապույտ գույնով նշված) կդառնան ընկերք: Այդ մասին տեղեկացնում է Nature Methods ամսագիրը:
