Սրտի եւ թոքերի ազգային ինստիտուտի (National Heart and Lung Institute) գիտնականների կողմից մշակված նոր անալիզը թույլ է տալիս որոշել հաջորդ հինգ տարվա ընթացքում սրտամկանի կաթվածի հավանականությունը:
Գիտնականները պարզել են, որ սրտանոթային հիվանդությունների զարգացման հավանականությունը շատ բարձր է այն հիվանդների մոտ, որոնց արյան մեջ նվազած է G իմունոգլոբուլինի խտությունը:
Բժիշկ Ռամզի Համիսը եւ իր գործընկերները հինգ տարվա ընթացքում հետեւել են 1753 կամավորի եւ պարզել են, որ արյան մեջ IgG ցածր խտությամբ մարդկանց մոտ սրտի կաթվածը զարգացել է 58 տոկոսով ավելի հաճախակի, իսկ ուղեղի կաթվածը կամ սրտանոթային այլ հիվանդությունները` 38 տոկոսով ավելի հաճախ: Իսկ բարձր IgG-ով մարդիկ ավելի հազվադեպ են բախվել այդ խնդիրներին:
Թեստի ստեղծողները ենթադրում են, որ կլինիկական պրակտիկայում դրա օգտագործումը կօգնի ավելի արագ ի հայտ բերել ռիսկի խմբում գտնվող մարդկանց: Խնդրի մասին իմանալով` նրանք անմիջապես կկարողանան կանխարգելմամբ զբաղվել եւ կանխել սրտի հիվանդությունների եւ կաթվածների զարգացումը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր