Ընտանիք ունեցող մարդիկ անհամեմատ ավելի հազվադեպ են տառապում ավելորդ քաշից, որովհետեւ հաճախ ամաչում են վնասակար սնունդ ուտել իրենց զուգընկերոջ աչքի առաջ, պարզել են ճապոնացի գիտնականները: Հետազոտության արդյունքների մասին համառոտ հայտնում է The Telegraph-ի հոդվածը:
6 տարվա ընթացքում մասնագետները վերլուծել են երկրորդ տեսակի դիաբետով 270 հիվանդի առողջության ցուցանիշները: Պարզվել է, որ նրանք, ովքեր ամուսինների կամ զուգընկերների հետ են ապրել, ավելի հազվադեպ են մարմնի զանգվածի 25-ից բարձր ինդեքս ունեցել:
Հետազոտությանը 90 միայնակ հիվանդ է մասնակցել, եւ հենց նրանց օրգանիզմում են բժիշկները ճարպի առավել բարձր ցուցանիշներ եւ նյութափոխանակային համախտանիշով ավելի մեծ հիվանդացում արձանագրել:
Գիտնականները ենթադրել են, որ ճարպակալմամբ եւ շաքարային դիաբետով հիվանդների ֆիզիկական վիճակը վերահսկում են նրանց երկրորդ կեսերը, այսպիսով, հիվանդները ճիշտ եւ սննդակարգին համապատասխան են սնվում:
Փորձարկումների ընթացքում նաեւ պարզվել է, որ ամուսնացած տղամարդիկ 58 տոկոսով պակաս են ենթակա դիաբետով, հիպերտոնիայով հիվանդանալու եւ ավելորդ քաշ կուտակելու ռիսկին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր