Փորձնական դեղամիջոցը բուժել է հետազոտության մասնակից հեպատիտ C-ով հիվանդների 95%-ը, այդ թվում նաեւ նրանց, ում բուժման այլ միջոցները չեն օգնել, հաղորդում է WebMD-ն:
Այս նոր, առաջատար բուժման մեթոդը հիվանդներն ավելի լավ են տանում, քան ինտերֆերոնը, որով ավանդաբար բուժում են հեպատիտ C-ն, ասում են հետազոտողները:
Ֆրանկֆուրտի Գյոթեյի համալսարանական կլինիկայի բժշկության դասախոս եւ հետազոտության առաջատար հեղինակ Ստեֆան Զոզոմը փորձարկել է ABT-450-ը (փորձնական դեղամիջոց) ինտերֆերոն չպարունակող այլ դեղամիջոցների հետ զուգահեռ, եւ հայտնաբերել է, որ քրոնիկ հեպատիտ C-ով գրեթե բոլոր հիվանդներին կարելի է բուժել, նույնիսկ եթե նախորդ բուժման մեթոդները հաջողությամբ չեն պսակվել:
Նոր դեղամիջոցի առավելությունն այն է, որ այն պատրաստվում է հաբերի տեսքով, մինչդեռ ինտերֆերոնն ընդունում են ամեն շաբաթ՝ ներարկումների ձեւով: Բացի այդ ինտերֆերոնով բուժումը տեւում է գրեթե 1 տարի, իսկ նոր դեղամիջոցն ընդունում են 3 ամիս:
Ինտերֆերոնով բուժումը նաեւ ուղեկցվում է ծանր կողմնակի ազդեցություններով:
Հեպատիտ C-ն կարող է փոխանցվել ներարկումների եւ սեռական շփման միջոցով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր