Հետազոտությունն օգնել է գտնել COVID-19-ի դեմ նոր պոտենցիալ դեղեր

Սան Ֆրանցիսկոյի Կալիֆոռնիական համալսարանի գիտնականները պարզել են, թե COVID-19 հիվանդություն առաջացնող SARS-CoV-2 վիրուսը մարդկային բջիջների վրա ինչպես է ազդում վարակվելիս: Վիրուսի եւ տիրոջ սպիտակուցների միջեւ փոխազդեցությունը հասկանալը հնարավորություն է տվել գտնելու կորոնավիրուսային ինֆեկցիայի դեմ նոր դեղամիջոցներ: Նոր հետազոտությունը հրապարակվել է Nature ամսագրում:

Մասնագետները SARS-CoV-2-ի 29 սպիտակուցից առանձնացրել են 26-ը եւ դրանք կլոնավորել են: Միջսպիտակուցային փոխազդեցությունները պարզելու համար նրանք օգտվել են աթենքյան զտմամբ մաս-սպեկտրաչափի հետ համատեղ, երբ տեղի է ունենում խառնուրդից սպիտակուցների զտում եւ պարզվում է դրանց բաղադրությունը:

Հետազոտության ընթացքում նույնականացվել է վիրուսային սպիտակուց-մարդու սպիտակուց 332 համակցություն: Գիտնականներն ընդհանուր  հայտնաբերել են մարդու 66 սպիտակուց, որոնք ինչպես կորոնավիրուսի թիրախներն են, այնպես էլ 69 դեղամիջոցների:

Հետազոտողները նաեւ մի ամբողջ շարք միացությունների սքրինինգ են անցկացրել՝ հայտնաբերելու համար հակավիրուսային ակտիվությամբ դեղամիջոցները: Դրանք 2 տեսակի են. որոշները ճնշում են ՌՆԹ-ի տրանսլյացիան, մյուսները կարգավորում են երկու բջջային ռեցեպտորների՝ սիգմա-1-ի եւ սիգմա-2-ի ակտիվությունը:

Գիտնականների տվյալներով՝ 28 պոտենցիալ արդյունավետ դեղային միացություններ արդեն ստացել են ամերիկյան Food and Drug Administration-ի (FDA) հավանությունը, 12-ն անցնում են կլինիկական փորձարկումների փուլ եւ եւս 28-ը՝ մինչկլինիկական փորձարկումների:

Նշենք, որ կորոնավիրուսային ինֆեկցիայի դեմ ապացուցված կլինիկական արդյունավետությամբ դեղամիջոցներ գոյություն չունեն, սակայն ռեմդեսիվիր կոչվող դեղամիջոցը հեռանկարային է թվում եւ ներկայումս կլինիկական փորձարկումներ է անցնում:

Հետևեք NEWS.am Medicine-ին Facebook-ում և Twitter-ում