Գիտնականները մշակել են նոր դեղամիջոց ցրված սկլերոզի բուժման համար

Նախակլինիակական հետազոտությունները, որոնք իրականացրել են գիտնականները ոչ մեծ մոլեկուլի օգտագործմամբ, ցույց են տվել, որ այն կարող է դառնալ նոր պոտենցիալ միջոց ցրված սկլերոզի բուժման համար։ Հետազոտության արդյունքները հրապարակվել են Science Advances ամսագրում։

Դոկտոր Ֆանգ Լյուի՝ ցրված սկլերոզի բուժման նոր դեղամիջոցի ստեղծման ուղղությամբ կատարած աշխատանքը զարգացնելով՝ հետազոտողները ստեղծել են ոչ մեծ մոլեկուլյար միացություն։

Ցրված սկլերոզը նյարդաբանական խորացող հիվանդություն է, որը ներկայում բուժում չունի։ Այն ուղեկցվում է տարատեսակ ախտանշաններով, ներառյալ կոորդինացիայի, ճանաչման, մկանային թուլության եւ դեպրեսիայի խնդիրները։ Հայտնի պատճառներով հիվանդությունը ավելի հաճախ հանդիպում է հյուսիսային լայնություններում եւ ավելի քան կրկնակի հաճախ կանանց մոտ։

Հայտնի է, որ ցրված սկլերոզի ժամանակ ախտահարվում է միելինը՝ պաշտպանիչ թաղանթ, որը ձեւավորվում է նյարդերի շուրջ գլխուղեղում եւ ոսկրածուծում։ Քանի որ միելինի ախտահարումը առաջ է գալիս իմունային համակարգի բորբոքմամբ, մինչեւ այժմ գոյություն ունեցող բոլոր դեղամիջոցները ցրված սկլերոզի բուժման համար ուղղված են իմունային համակարգին։

Այս հետազոտությունում CAMH ավագ գիտաշխատող, դոկտոր Ֆանգ Լյուն եւ նրա թիմը բուժել են ցրված սկլերոզը միանգամայն այլ եղանակով՝ ազդելով գլուտամատային համակարգի վրա։ Հետազոտության արդյունքները ցույց են տվել, որ վերջերս սինթեզված միացությունը ոչ միայն նվազեցնում է ցրված սկլերոզի ախտանշանները, այլեւ վերականգնում է ախտահարված միելինը։

Ամբերդինի համալսարանի բժշկական քիմիայի ամբիոնի աշխատակից, դոկտոր Իեն Գրեյգը իր թիմի հետ աշխատում է այն ուղղությամբ, որպեսզի դոկտոր Լյուի հայտնաբերած մոլեկուլները վերածի կատարելագործված «դեղային» մոլեկուլների, որոնք անհրաժեշտ կլինի զարգացնել եւ օգտագործել պացիենտների համար՝ կլինիկական կիրառման նպատակով։

Հետևեք NEWS.am Medicine-ին Facebook-ում և Twitter-ում