Մեծ Բրիտանիայի Լիվերպուլի համալսարանի գիտնականները պարզել են, որ երեխաները չափից շատ սնունդ են ուտում, երբ ձանձրանում են։ Ձանձրույթից ուտելու այս սովորությունը կարող է ավելորդ քաշի պատճառ դառնալ։ Արդյունքները հրապարակվել են Nutrients ամսագրում:
Բրիտանացի գիտնականները փորձն անցկացրել են չորսից հինգ տարեկան երեխաներ ունեցող 119 ընտանիքի հետ։ Ծնողներին խնդրել են նկարագրել իրենց երեխաների բնավորությունը և ուտելու սովորությունները: Հետո փորձի մասնակիցները բոլորին օգնել են ստեղծել ուտելու համար ծանոթ միջավայր և սնունդ տրամադրել։
Վերլուծությունը ցույց է տվել, որ ձանձրացած երեխաները միջինը 36 կալորիա ավելի շատ են օգտագործել: Գիտնականները բացատրել են, որ շատ երեխաներ բավականին հաճախ են զգում այս հույզը։ Սննդի միջոցով ձանձրույթը հաղթահարելու սովորությունը կարող է հանգեցնել չափից շատ ուտելու: Ավելորդ կալորիաների կուտակումն իր հերթին հանգեցնում է բացասական հետեւանքների՝ ճարպային կուտակումների տեսքով։
Մասնագետներն ընդգծել են, որ ձանձրույթից խուսափելու համար պետք չէ անընդհատ զվարճացնել երեխաներին։ Կարևոր է սովորեցնել նրանց ինքնուրույն գտնել ոչ պարենային գործողություններ՝ կանխելու չափից շատ ուտելը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր