Հարթաթաթությունը չի մեծացնում վնասվածքների վտանգը և հաճախ բուժում չի պահանջում. BJSM

Շատ տասնամյակներ ենթադրվում էր, որ հարթաթաթ մարդիկ հակված են ցավի և հենաշարժական համակարգի խնդիրների: Նոր հետազոտությունը ցույց է տվել, որ հարթ ոտքերը միշտ չէ, որ հանգեցնում են մկանների անհավասարակշռության: Հետազոտությունները հրապարակվել են British Journal of Sports Medicine (BJSM) ամսագրում:

Նոր հետազոտության հեղինակները նշում են, որ այն գաղափարը, որ հարթաթաթությունը խնդիր է, ծագել է դարերի առաջ: Իսկ ավելի ուշ,  20-րդ դարի երկրորդ կեսին այլ վարկած եղավ։ Այդ ժամանակ գիտնականները ենթադրեցին, որ եթե ոտքերը չեն բավարարում նորմալության որոշակի չափանիշներին, ապա բիոմեխանիկական փոխհատուցումների պատճառով վնասվածքի ռիսկը մեծանում է, օրինակ՝ քայլելու ընթացքում կամարի ավելի մեծ հարթեցում:

Նոր աշխատանքում գիտնականները վերլուծել են այս վարկածի առկա ապացույցները: Փորձերը ցույց են տվել, որ հարթաթաթություն ունենալը փոքր-ինչ մեծացնում է սրունքի, ծնկի գլխի շրջանում ցավերի առաջացման և չափից ավելի օգտագործումից ստորին վերջույթների ոչ սպեցիֆիկ վնասվածքների առաջացման վտանգը: Այնուամենայնիվ, բացահայտված հարաբերությունները թույլ էին: Ավելին, փորձերը ցույց են տվել, որ հարթ ոտքերով վազորդներն ավելի շատ վնասվածքների վտանգի տակ չեն, քան նորմալ ոտքերով վազորդները:

Այս արդյունքները մարտահրավեր են նետում այն ​​գաղափարին, որհարթաթաթ մարդիկ ունեն հենաշարժական համակարգի խանգարումների զարգացման զգալի ռիսկ: Բազմաթիվ ուսումնասիրություններ չեն կարողացել հաստատել այս վարկածը, սակայն այն արմատավորվել է բժիշկների վերապատրաստման ծրագրերում և հասարակության մեջ: Սա հանգեցնում է նրան, որ մարդիկ դիմում են անհարկի միջամտությունների, ինչպիսիք են օրթոպեդիկ կոշիկները կամ պատվերով պատրաստված ներդիրները, ինչպես նաև պատճառ է դառնում, որ հիվանդները անհանգստանան իրենց ոտքերի տեսքի համար, եզրակացրել են հեղինակները:

Հետևեք NEWS.am Medicine-ին Facebook-ում և Twitter-ում