Ցավաստեղծ մանրէի գենոմի կետային մուտացիան կարող է մանրէն մտցնել գլխուղեղ եւ առաջացնել նրա թաղանթի բորբոքում, այսինքն՝ մենինգիտ։ Այս մասին վկայում է iScience ամսագրում հրապարակված հետազոտությունը։
Կենսաբաններն ուսումնասիրել են պնեւմոկոկի շտամը (Streptococcus pneumoniae), որը վերցվել է մենինգիտ ունեցող պացիենտներից։ Պարզվել է, որ մանրէն ունեցել է մուտացիա, որը հանգեցրել է մեկ ամինաթթվի փոխարինման պնեւմոլիզինի սպիտակուցի բաղադրությունում։ Դա ուժեղացրել է ուղեղի նյարդային բջիջներ թափանցելու նրա ունակությունը։ Այս առանձնահատկությունը շտամը տարբերում է նրանցից, որոնք այնքան էլ ցավաստեղծ չեն։
Ուղեղ պնեւմոկոկի թափանցելու մեխանիզմի բացահայտումը կօգնի գտնել մենինգիտի բուժման միջոցներ, այդ հիվանդությունից հետո ողջ մնացածների 70 տոկոսն ապրում է մշտական նյարդաբանական խանգարումներով, ներառյալ շարժողական, մտավոր, լսողական, տեսողական եւ հոգեկան խանգարումները։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր