Վաթերլոոյի համալսարանի կանադացի գիտնականները արհեստական բանականության օգնությամբ դասակարգել են մինչ այդ անհայտ 191 աստրովիրուսներ։ Հետազոտությունը հրապարակվել է Frontiers in Molecular Biosciences (FMB) գիտական ամսագրում։
Աստրովիրուսները համարվում են առավել կործանարար եւ լայնորեն տարածված պաթոգեններն աշխարհում։ Մարդկանց մոտ դրանք առաջացնում են ծանր լուծ, որն ամեն տարի խլում է մինչեւ հինգ տարեկան ավելի քան 440 հազար երեխաների կյանք։
Թռչնաբուծությունում աստրովիրուսներով վարակվելու մակարդակը, ինչպիսին է թռչնագրիպը, կազմում է 80 տոկոս, ընդ որում՝ հիվանդացած կենդանիների կորուստները հասնում են 50 տոկոսի։
Դասակարգման նոր մեթոդը, որը բաղկացած է երեք մասերից, ներառում է վերահսկվող մեքենայական ուսուցումը, չվերահսկվող մեքենայական ուսուցումն ու յուրաքանչյուր աստրովիրուսի ձեռքով մակնշումը։
2023թ. գոյություն ուներ 322 չճանաչված աստրովիրուս՝ տարբեր գենոմներով։ Այս տարի այդ թիվը հասել է 479-ի։
«Ցանկացած պահի մարդկանց 2-9 տոկոսը հանդիսանում է այդ վիրուսներից մեկի կրող։ Որոշ երկրներում այդ բաժինը հասնում է 30 տոկոսի։ Այդ վիրուսների ընկալումը եւ արդյունավետ դասակարգումը կարեւոր նշանակություն ունի պատվաստանյութերի ստեղծման համար»,- նշել է հետազոտության առաջատար հեղինակ, դոկտոր Ֆաթեմեհ Ալիպուրը։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր