Ակտիվ սեռական կյանքով ապրող կանանց ցուցանիշով Հայաստանը 9-րդ տեղն է զբաղեցրել հետխորհրդային երկրների շարքում: Այս տեսակետից կանայք, պարզվում է, առավել ակտիվ են Ուզբեկստանում՝ 64.7 տոկոս, կանանց սեռական ակտիվության ամենացածր ցուցանիշը գրանցվել է Տաջիկստանում՝ 44.7 տոկոս: Այս եզրակացությանն են եկել գենդերային մասնագետները՝ հետխորհրդային 11 երկրների՝ կանանց վերարտադրողական առողջությանը վերաբերող բաց վիճակագրական տվյալները համեմատելուց հետո:
Ցուցակը կազմվել է հաշվի առնելով այն կանանց ընդհանուր թիվը, որոնք խոստովանել են, որ սեքսով են զբաղվել վերջին 4 շաբաթների ընթացքում: Այս հարցին դրական պատասխանած կանանց ամենամեծ թիվն արձանագրվել է Ուզբեկստանում՝ 64.7 տոկոս, Ռուսաստանում՝ 62.1 տոկոս: Ամենացածր սեռական ակտիվությունը կանայք դրսեւորել են Տաջիկստանում՝ 44.7 տոկոս, Վրաստանում՝ 47.6 տոկոս:
Ստորեւ ներկայացնում ենք ցուցակն ամբողջությամբ
Ուզբեկստան — 64,7 տոկոս
Ռուսաստան — 62,1 տոկոս
Ուկրաինա — 62 տոկոս
Ղազախստան — 61,1 տոկոս
Մոլդովա — 57,7 տոկոս
Ղրղզստան — 57,2 տոկոս
Թուրքմենստան — 55,9 տոկոս
Ադրբեջան — 53,4 տոկոս
Հայաստան — 51,6 տոկոս
Վրաստան — 47,6 տոկոս
Տաջիկստան — 44,7 տոկոս
Բելառուսին առնչվող բաց վիճակագրական տվյալները բացակայում են։
Համեմատության համար պետք է նշել, որ Հորդանանը ճանաչվել կանանց սեռական ակտիվության առաջատար՝ 84.9 տոկոս: Միեւնույն ժամանակ Նամիբիայում, որտեղ տարածված է ՄԻԱՎ/ՁԻԱՀ-ը, սեռական ակտիվ կյանքով ապրող կանանց թիվը զգալիորեն ավելի փոքր է՝ 38.4 տոկոս: Հետազոտության արդյունքների համաձայն՝ սեռական տեսանկյունից ավելի ակտիվ են 24-44 տարեկան կանայք, նրանց են հետեւում 45-59 տարեկան կանայք, սեռական ակտիվության ցուցանիշը շատ փոքր է 15-24 տարեկան կանանց շրջանում: Դա բացատրվում է նրանով, որ ամուսնացած կանայք ավելի շատ հնարավորություններ ունեն սեքսով զբաղվելու համար, քան չամուսնացած կամ բաժանված կանայք: Սեռական ակտիվ կյանքով ապրելու հնարավորությունները սահմանափակ են նաեւ աշխատանքային միգրանտների կանանց դեպքում:
Պարզվեց նաեւ, որ կրթվածության բարձր մակարդակով կանայք ավելի ակտիվ սեռական կյանքով են ապրում, քան այն կանայք, որոնք միայն սկզբնական կրթություն ունեն: Սեռական ակտիվության հաճախականությունը որոշվել է պաշտոնական վիճակագրական ծառայությունների, ինչպես նաեւ Demographic and Health Surveys (DHS) մեթոդաբանությամբ անցկացված հարցումների միջոցով:
Վերոնշյալ ցուցակը կազմելիս հաշվի են առնվել ԱՊՀ երկրներում 1999-2012 թթ անցկացված այս հետազոտությունների տվյալները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր