Քնի պակասը բացասաբար է անդրադառնում ոչ միայն առողջության, այլ նաեւ մարդու արտաքինի վրա: 46-ամյա Սարա Չալմերսը կարողացավ դրանում համոզվել սեփական փորձի օրինակով: Նա մասնակցեց մի գիտափորձի, որի պայմաններից մեկը մի ամբողջ շաբաթվա ընթացքում ոչ թե 8, այլ ընդամենը 6 ժամ քնելն էր:
Ընդամենը մի այդպիսի շաբաթից հետո Սարան շատ ավելի ցրված դարձավ, նրա տրամադրությունը վատթարացավ, նրա համար շատ ավելի դժվար դարձավ հաղթահարել առօրյա խնդիրները, որոնք նախկինում այդքան պարզ ու հասարակ էին թվում: Նա մոռացկոտ դարձավ, նյարդային, հուզվող, ինչպես նաեւ մշտապես սոված էր:
Ավելին՝ Սարան սկսեց իր տարիքից շատ ավելի մեծ երեւալ: Նրա աչքերի շուրջ այտուցումներ ի հայտ եկան, իսկ մաշկի որակը նկատեիորեն վատթարացավ:
Սարայի խոսքով՝ աշխատանքով, երեխաներով, ընտանիքով զբաղված շատ մարդիկ նույնիսկ չեն պատկերացնում, ինչքան բացասաբար այս ամենը կարող է անդրադառնալ:
«Նախկինում քնի նորման շաբաթական 8-9 ժամ էր կազմում, սակայն 5-6 ժամ քնող բրիտանացիների թիվը վերջերս աճել է: Ես պատկերացնել էլ չէի կարող, որ օրական մեկ կամ երկու ժամ քնի պակասը կարող է այդքան վատ հետեւանքներ ունենալ՝ կենտրոնացման հնարավորությունից մինչեւ մաշկ», - խոստովանում է Սարան:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր