Համահայկական 6-րդ խաղերի ընթացքում սահմանվել են շտապօգնության հերթապահություններ

Բնակչության եւ մարզիկների շտապ եւ անհետաձգելի բժշկական օգնությունն ու սպասարկումը պատշաճ եւ արագ կազմակերպելու նպատակով ՀՀ առողջապահության նախարարի հրամանով Համահայկական ամառային 6-րդ խաղերի անցկացման ողջ ընթացքում սահմանվել են շտապօգնության ծառայության լրացուցիչ հերթապահություններ: Աշխատանքներին ներգրածվված են Երեւանի եւ մարզերի շտապ բժշկական օգնության բրիգադները:

Նշենք, որ օգոստոսի 3-ին Երեւանում հերթապահ շտապօգնության ծառայություն է դիմել 21 քաղաքացի, նրանցից 3-ը` տեղափոխվել է հիվանդանոց եւ անհրաժեշտ բուժօգնություն ստանալուց հետո դուրս գրվել: Մարզերում դեպքեր չեն արձանագրվել:

ՀՀ առողջապահության նախարարության կողմից շտապ բժշկական օգնության ծառայություններին տրամադրվել են անհրաժեշտ դեղեր եւ բժշկական նշանակության ապրանքներ:

Հետևեք NEWS.am Medicine-ին Facebook-ում և Twitter-ում