• Latest news▼

Օրական 25 րոպե զբոսանքը կօգնի 7 տարով երկար ապրել

31 օգոստոսի, 2015  18:42

Օրվա ընթացքում 25 րոպե տեւողությամբ զբոսանքները կարող են 7 տարով երկարացնել կյանքի տեւողությունը, պարզել են հետազոտողները: Չափավոր ֆիզիկական ծանրաբեռնվածությունները հետաձգում են ծերացման պրոցեսները ու նվազեցնում կաթվածներից մահվան հավանականությունը:

Գերմանացի գիտնականների հետազոտության տվյալներով,  որը ներկայացվել է Սրտաբանների եվրոպական միության գիտաժողովում, չափավոր ծանրաբեռնվածությունները կիսով չափ նվազեցնում են 50 եւ 60-ն անց մարդկանց՝ կաթվածից մահանալու վտանգը:

Գերմանացի գիտնականները 30-60 տարեկան տղամարդկանց ու կանանց ներառել են վարժությունների հատուկ ամենօրյա ծրագրերում: Այս ծրագրերի համար  ընտրված կամավորները նախկինում երբեք կանոնավոր սպորտով չեն զբաղվել: Գիտնականները արյան մեջ հետեւել են ծերացման հիմնական ցուցիչներին: Ընդամենը վեց ամսվա ընթացքում այդ ցուցանիշներում կատարվել են փոփոխություններ, որոնք վկայում են ԴՆԹ-ի վերականգնման մասին:

Փորձագետների կարծիքով, օրական ընդամենը 25 րոպե զբոսանքը կամ էլ դանդաղ վազքը բավարար է կյանքի տեւողությունը՝ եւս մի քանի տարով երկարացնելու համար: Հենց դրա համար էլ բոլորին անհրաժեշտ է մշակել նման սովորություն: Չափավոր ֆիզիկական ծանրաբեռնվածությունները նաեւ հոյակապ հակադեպրեսանտ են, դրանք բարելավում են կոգնիտիվ գործառույթները եւ ապացույցներ կան, որ սպորտը հետաձգում է նաեւ տկարամտության զարգացումը :

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է