Մասաչուսեթսի նահանգի համալսարանի գիտնականները մոլեկուլային կապ են հայտնաբերել հոգեկան խանգարումների եւ 2-րդ տեսակի շաքարային դիաբետի միջեւ:
Նրանց հետազոտությունները ցույց են տվել, որ DISC1 անունով գենը, որը, ինչպես ընդունված է կարծել, դեր է խաղում հոգեկան խանգարումների մեջ (ինչպիսին օրինակ շիզոֆրենիան է, երկբեւեռ խանգարումը եւ դեպրեսիայի մի քանի ձեւ), ազդում է նաեւ ենթաստամոքսային գեղձի բետա-բջիջների գործառույթի վրա, որոնք ինսուլին են արտադրում եւ արյան մեջ պահպանում են գլյուկոզայի նորմալ մակարդակը:
Գիտնականների խոսքով, հիվանդությունների միջեւ կապը կարող է առաջին հայացքից տարօրինակ թվալ, սակայն արդեն վաղուց հայտնի է, որ մեկ սպիտակուցը կամ գենը կարող են օրգանիզմում միանգամից մի քանի դեր խաղալ:
Հնարավոր է, որ արված եզրակացությունները կօգնեն ապագայում բարելավել դիաբետի եւ հոգեկան խանգարումների բուժման եւ կանխարգելման մեթոդիկաները:
Հետազոտության արդյունքները հրապարակվել են The FASEB Journal պարբերականում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր