«Մի գնեք», - խորհուրդ է տալիս Սպառողների ազգային ասոցիացիայի ղեկավար Մելիտա Հակոբյանը: «Գնեք այնտեղից, որտեղից անհրաժեշտ եք համարում»:
Եթե Դուք գիտեք մեկ ուրիշ դեղատուն, որտեղ նույն դեղը կարելի է գնել ավելի մատչելի գնով, գնեք այնտեղից:
Բժիշկը պետք է այնպիսի աշխատավարձ ստանա, որ կախված չլինի դեղատների հետ այդպիսի պայմանավորվածություններից, կարծում է Գայանե Խաչվանքյանը Հայաստանի սպառողների ազգային ակադեմիայի Իրավաբանական անձանց միությունից: Եթե բժիշկներն արժանապատիվ աշխատավարձ ստանան, դեղատներ խորհուրդ տալու խնդիրն ինքնին կվերանա:
«Ցավոք սրտի, Հայաստանում բժշկի մասնագիտությունն առայժմ իր արժանի տեղը չի զբաղեցնում: Բժշկին իհարկե հարգում են, բայց նա այնպիսի աշխատավարձ չի ստանում, որ կախված չլինի նման պայմանավորվածություններից», - նշել է նա:
Գայանե Խաչվանքյանի խոսքով, ինտերնետում այսօր շատ տեղեկություններ կարելի է գտնել բոլոր դեղերի մասին: Եթե Դուք որեւէ կասկած ունեք դեղերի առումով, որոնք նշանակել են Ձեզ, ցանցում դրա վերաբերյալ տեղեկություններ գտեք, կարդացեք դրա ցուցումների եւ հակացուցումների եւ կողմնակի ազդեցությունների մասին:
«Եթե Դուք կասկածներ ունեք եւ վստահ չեք, ուղղակի մի գնեք, ուրիշ բժշկի հետ խորհրդակցեք», - ամփոփել է Գայանե Խաչվանքյանը:
Հետևեք NEWS.am Medicine-ին Facebook-ում և Twitter-ում