University of Texas at San Antonio-ի գիտնականները ուռուցքների բուժման լիովին նոր մեթոդ են նկարագրել: Նրանք առաջարկում են ուռուցքի մեջ նիտրոբենզալդեգիդ մտցնել, որը ներթափանցում է քաղցկեղային բջիջների մեջ: Դրանից հետո ուռուցքի վրա ազդում են ուլտրամանուշակագույն ճառագայթով: Դա հանգեցնում է բջիջների պարունակության թթվայնացմանը եւ հետագա մահվանը:
Մեթյու Գդովինը կարծում է, որ այդ մշակման շնորհիվ հնարավոր կլինի հաղթահարել անվիրահատելի ուռուցքները եւ երեխաների քաղցկեղը:
Հետազոտության ընթացքում գիտնականները ցույց են տվել, որ իրենց առաջարկած մշակումից երկու ժամ անց ուռուցքային բջիջների 95 տոկոսը մահացել է: Հետազոտողներն այդ մոտեցումը փորձարկել են կաթնագեղձի եռակի բացասական քաղցկեղի վրա, որն առավել դժվարությամբ է ենթարկվում բուժման. Նրանց հաջողվել է կանգնեցնել քաղցկեղի այդ տեսակով տառապող մարդկանց մոտ ուռուցքի աճը եւ կրծողների` գոյատեւման շանսերը կրկնակի մեծացել են:
Գիտնականները համարում են, որ նման մոտեցումը լիովին կիրառելի է ուռուցքների մեծ մասի նկատմամբ: Բացի այդ, ի տարբերություն քիմիաթերապիայի, նման մեթոդը չի հանգեցնի կրկնակի հետեւանքների զարգացման, որովհետեւ այն ազդում է անմիջապես նորագոյացության վրա:
Մեթյու Գդովինը եւս աշխատում է ֆոտոակտիվացվող նանոմասնիկների ստեղծման վրա, որոնք նախատեսված են մետաստազներ առաջացնող քաղցկեղի դեմ պայքարի համար: Նա ենթադրում է, որ նման ոչ ինվազիվ մեթոդները թույլ կտան հաղթահարել ուռուցքները, որոնք տեղադրված են դժվար հասանելի վայրերում, օրինակ` գլխուղեղում կամ ողնաշարում:
Գիտնականների առաջարկած` քաղցկեղի բուժման նոր միջոցը նկարագրված է Journal of Clinical Oncology-ում:
Հետևեք NEWS.am Medicine-ին Facebook-ում և Twitter-ում