Ամեն տարի՝ սեպտեմբերի վերջին կիրակին աշխարհում նշվում է Խուլերի միջազգային օրը: Առաջին անգամ այն նշվել է 1951 թ.՝ Խուլուհամրերի համաշխարհային ֆեդերացիայի հիմնադրման կապակցությամբ: Այս տարի այդ օրը նշվում է այսօր՝ սեպտեմբերի 25-ին:
Ըստ վիճակագրության, լսողության խանգարումներով է տառապում աշխարհի յուրաքանչյուր տասներորդ մարդը: Մարդը լսողությունից կարող է զրկվել վնասվածքների կամ հիվանդության հետեւանքով, ոմանք էլ ի ծնե լսողական խնդիրներ ունեն: Նման խնդիրների վաղ ախտորոշումը, մասնագետների գնահատականով, երբեմն հանրավոր է դարձնում բուժումն ու խլացումից խուսափելը: Հայաստանում, օրինակ, ծննդատներից շատերում արդեն կատարվում է նորածինների լսողության սքրինինգ:
Օրվա նպատակն է բարձրացնել միջազգային համայնքի տեղեկացվածությունը այն խնդիրների վերաբերյալ, որոնց ամեն օր բախվում են խուլերը, նաեւ օգնել պայմաներ ստեղծել նրանց զարգացման, ուսման ու մասնագիտական ունակությունների իրացման համար:
Աշխարհում տարեցտարի ավելանում է առհասարակ հաշմանդությամբ ու մասնավորապես լսողական խնդիրներով մարդկանց թիվը, որոնք կրթություն ստանալու հնարավորություն ունեն: Խուլերի համար առաջին մասնագիտացված դպրոցը բացվել 1760 թ.: Աբբատ Լ՝Էպեն հիմնադրել է խուլերի առաջին դպրոցը Ֆրանսիայում, այն կոչվում էր Խուլերի փարիզյան ինստիտուտ: Աբբատը միմիկայի մեթոդի հիմնադիրն է եղել, ժեստային լեզվի մեծ կողմնակիցը:
Հիշեցնենք, որ մարտի 3-ին էլ նշվում է ականջի ու լսողության առողջության միջազգային օրը:
Հետևեք NEWS.am Medicine-ին Facebook-ում և Twitter-ում