Յուրաքանչյուր չորրորդ ամերիկացի վարակված է քաղցկեղածին պապիլոմավիրուսով։ Յուրաքանչյուր չորրորդ ամերիկացի տղամարդ այդ վտանգավոր վարակի վարակակիր է հանդիսանում, որը կարող է հանգեցնել ուռուցքային հիվանդությունների զարգացմանը։ Նման տվյալներ են հրապարակվել JAMA Oncology պարբերականում։
Վերլուծելով 2013-2014 թվականների բուժզննումների տվյալները՝ հետազոտողները հանգել են եզրակացության, որ ԱՄՆ արական սեռի բնակչության մոտ կեսը վարակված է մարդու պապիլոմավիրուսով։ Հերպետիկ ինֆեկցիայի տվյալ տեսակը փոխանցվում է սեռական ճանապարհով եւ հնարավոր է առանց ախտանշանների, ուստի վարակվելու հավանականությունը շատ բաձր է։
Նման վարակը մասնավորապես կարող է հանգեցնել կոկորդի եւ արգանդի վզիկի քաղցկեղի։
Այդ հետեւանքները կարելի է կանխել հատուկ ներարկման միջոցով, որը խորհուրդ է տրվում անել մինչեւ սեռական կյանքով ապրել սկսելը։ Սակայն ըստ փորձագետների՝ երկրի բնակիչները շատ հազվադեպ են «արժանի» ուշադրություն դարձնում նման պատվաստմանը։
Հետևեք NEWS.am Medicine-ին Facebook-ում և Twitter-ում