Չինաստանում պատրաստվում են ավանդական չինական բժշկությունն օգտագործել ՁԻԱՀ-ի բուժման գործում՝ կրկնապատկելով նոր մոտեցումն իրենց վրա փորձող հիվանդների թիվը: Խոսքը հնգամյա ծրագրի մասին է, որի նպատակը հնագույն բժշկության գաղտնիքները յուրացնելն է:
Բայց դա չի նշանակում, որ չինացի մասնագետներն ուզում են հրաժարվել ստանդարտ հակառետրովիրուսային թերապիայից: Նրանք ուզում են համատեղել ավանդական չինական բժշկության եւ արեւմտյան բժշկության մոտեցումները:
Պաշտոնյաների խոսքով՝ ավանդական թերապիայի մեթոդների ներառումը թույլ կտա զգալիորեն կրճատել ՁԻԱՀ-ի բուժման ծախսերը՝ հրաժարվելով թանկարժեք բարձր տեխնոլոգիաների օգնությանը:
Նոր ռազմավարությունը, չինացի մասնագետների կարծիքով, հնարավորություն կընձեռի առնվազն 10%-ով նվազեցնել նույնասեռականների շրջանում վարակի մակարդակը, իսկ մորից երեխային վարակի փոխանցումը՝ մինչեւ 4%-ով: Սակայն մեթոդի էության մասին առայժմ ոչինչ հայտնի չէ: Հայտնի չէ նաեւ, թե ինչպես են ծրագրում բուժել ՁԻԱՀ-ով հիվանդներին:
Հետևեք NEWS.am Medicine-ին Facebook-ում և Twitter-ում