Քաղցած մարդը հաճախ է ուտում այն, ինչ առաջինն է հայտնվում ձեռքի տակ՝ չմտածելով, արդյո՞ք դա առողջ սնունդ է եւ արդյո՞ք արժե այդ պահին ուտել: Խնդիրն այն է, որ նույնիսկ որոշ շատ առողջ եւ օգտակար համարվող մթերքները ոչ միշտ կարելի է օգտագործել քաղցած ժամանակ:
Լոլիկ
Լոլիկը շատ օգտակար է, պարունակում է հակաօքսիդանտներ, նվազեցնում քաղցկեղի առաջացման վտանգը: Բայց աղաղի (acide gallotannic) մեծ քանակությունը կարող է բարձրացնել ստամոքսի թթվայնությունը: Բացի այդ՝ С վիտամինի պարունակության շնորհիվ կարող է արագանալ ստամոքսահյութի արտադրությունը: Սրա հետեւանքով մարդու մոտ այրոց եւ մարսողական խնդիրներ կարող են առաջանալ:
Գազավորված ըմպելիք
Գազավորված ըմպելիքը, իհարկե, հնարավոր չէ օգտակար համարել, այդ պատճառով դրանցից ընդհանրապես հրաժարվելը կատարյալ տարբերակ կլինի: Եթե, այնուամենայինիվ, իսպառ հնարավոր չէ հրաժարվել, ապա գոնե այն քաղցած ստամոքսին մի խմեք: Գազավորված ըմպելիքները շաքարի մեծ քանակություն են պարունակում, որը դանդաղեցնում է մարսողությունը: Շաքարը գրեթե անմիջապես հայտնվում է արյան մեջ, իսկ ըմպելիքը, միեւնույն է, ձեզ չի հագեցնի եւ դուք նորից քաղց կզգաք:
Կանաչ բանջարեղեն
Կանաչ բանջարեղենն օգտակար է, բայց դարձյալ՝ ոչ քաղցած ստամոքսին: Այդպիսի բանջարեղենում ամինաթթվի մեծ քանակություն կա, որը կարող է հանգեցնել այրոցի եւ ցավերի ստամոքսի շրջանում:
Յոգուրտ
Յոգուրտը նախաճաշին ամենաշատ օգտագործվող մթերքներից է: Բայց այն կարող է բարձրացնել թթվայնությունը եւ փքվածություն առաջացնել:
Կծու եւ աղի սնունդ
Քաղցած վիճակում խորհուրդ չի տրվում օգտագործել նաեւ կծու, աղի եւ համեմված սնունդ: Չիլի պղպեղը եւ մյուս համեմունքները կարող են վնասել ստամոքսի պատերը, բարձրացնել թթվայնությունը եւ գրգռել ստամոքսը:
Հետևեք NEWS.am Medicine-ին Facebook-ում և Twitter-ում