BWH-ի ու Rush University Medical Center-ի հետազոտողները նոր գեն են հայտնաբերել, որը կարող է կապ ունենալ տաու-սպիտակուցից ուղեղում նեյրոֆիբրիլ կծիկների գոյացման հետ։ Դա բնորոշ է Ալցհեյմերի հիվանդությանը ու որոշ այլ նեյրոդեգեներատիվ հիվանդությունների։ Խոսքը PTPRD գենի տարբերակի մասին է։
Հետազոտության շրջանակում մասնագետները ուսումնասիրել են 909 մարդու գեներ ու պարզել, որ PTPRD գենի տարբերակներից մեկը կապակցված է նեյրոֆիբրիլ կծիկների գոյացման հետ։ Ավելին, գենի այդ տարբերակը բավական տարածված է՝ մարդկանց մեծամասնությունն ունի դրա մեկ կամ երկու կրկնօրինակ։ Գիտնականների հայտնաբերած տարբերակը, պարզվում է, ազդում է նեյրոֆիբրիլ կծիկների գոյացման միանգամից մի քանի մեխանիզմների վրա։
Գիտնականները հույս ունեն, որ այս հետազոտության արդյունքները կօգնեն նեյրոդեգեներատիվ հիվանդությունների դեմ նոր դեղամիջոցներ գտնել։
Այս հետազոտության մասին հայտնում է Molecular Psychiatry ամսագիրը։
Հետևեք NEWS.am Medicine-ին Facebook-ում և Twitter-ում