Խմբակային սելֆիներն այսօր մեծ տարածում ունեն, սակայն առողջության համար դրանք բոլորովին էլ անվտանգ չեն, պնդում են մասնագետները։ Բանն այն է, որ նման սելֆիների ժամանակ կարելի է որոշ ինֆեկցիոն հիվանդություններով վարակվել։
Գոտեորքին
Գոտեորքինը վիրուսային հիվանդություն է, որով վարակվելու ռիսկը մարդկանց հետ սերտ շփման ժամանակ մեծանում է։ Հիվանդության հարուցիչը ջրծաղիկի վիրուսն է (Varicella zoster), որը փոխանցվում է գերազանցապես օդակաթիլային ճանապարհով։
Գրիպ եւ մրսածություն
Գրիպն ու մրսածությունը վիրուսային հիվանդություններ են եւ փոխանցվում են օդակաթիլային ճանապարհով։ Եթե սելֆի անող խմբում մեկն արդեն հիվանդ է, մեծ է հավանականությունը, որ նա կարող է վարակել եւ մյուսներին։
Պեդիկուլյոզ
Պեդիկուլյուզը պարազիտային ինֆեկցիա է, որը փոխանցվում է մարդուց մարդուն։ Այն հատկապես տարածված է դպրոցներում եւ մանկապարտեզներում, իսկ դեռահասները շատ են սիրում խմբակային սելֆիներ անել։ Այդ պատճառով նրանց շրջանում շատ մեծ է պարազիտի տարածման ռիսկը։
Շաղկապենաբորբ (կոնյուկտիվիտ)
Կոնյուկտիվիտը աչքի լորձաթաղանքի բորբոքային հիվանդություն է, որը փոխանցվում է մարդուց մարդուն։
Քոս
Քոսը մաշկային վարակիչ հիվանդություն է։ Քոսի տզին 15-20 րոպե է պետք մարդու մաշկի տակ անցնելու համար։ Դա տեղի է ունենում մաշկի հետ անմիջական շփման հետեւանքով ու սեռական ճանապարհով։
Հետևեք NEWS.am Medicine-ին Facebook-ում և Twitter-ում