Չինաստանի Շանհայ քաղաքում պրոկտոլոգ Ֆենգ Չժոն ինքն իրեն կատարել է ամենից տհաճ պրոցեդուրաներից մեկը` կոլոնոսկոպիա: Բժիշկն իր արարքը բացատրել է նրանով, որ այդպես նա ցանկացել է ավելի լավ հասկանալ հիվանդներին:
Կոլոնոսկոպիան հաստ աղիքի հետազոտություն է, որի ժամանակ ցուցամատի երկարությամբ էնդոսկոպը մտցվում է հետանցքի մեջ։ Սա հաստ աղիքի քաղցկեղը ախտորոշելու ամենաարդյունավետ միջոցն է, սակայն որոշ հիվանդների համար սա իսկական փորձություն է՝ չնայած ընթացքում տրվող հանգստացնող միջոցներին։
Բժիշկ Ֆենգ ՉԺոն դարձել է իր սեփական հիվանդը՝ ինքն իրեն 15–րոպեանոց կոլոնոսկոպիա անելով։ Բժիշկի խոսքով՝ ինքը նման քայլի է դիմել երկար մտածելուց հետո:
Պրոցեդուրայից հետո բժիշկը հրապարակել է իր դիտարկումները՝ շեշտելով, որ բժիշկները պետք է շատ ուշադիր կոլոնոսկոպիա անեն՝ խուսափելով հիվանդներին ցավ պատճառել, ինչպես նաև խորհուրդ է տվել լավագույն լուծողականներն օգտագործել։
Հետևեք NEWS.am Medicine-ին Facebook-ում և Twitter-ում