Բրիտանուհին հունվարի մեկին առողջ երեխա է լույս աշխարհ բերել ութ անհաջող հղիություններից հետո։
Mirror-ը գրում է, որ Էմմա Փարքերն ու նրա ամուսինը՝ Քրեյգը, վեց տարի փորձել են երեխա ունենալ։ Սակայն ութ հղիություններն էլ անհաջող են ավարտվել։
Հունվարի մեկի առավոտյան լույս աշխարհ է եկել Փարքերների առաջնեկը, որին Չարլի են անվանել։ Նշում են, որ Էմման պետք է հունվարի 9-ին ծննդաբերեր, բայց բարդացումների պատճառով հունվարի 1-ին որոշել են կեսարյան հատում անել։
Փարքերները պատմել են, որ անհամբերությամբ սպասում են, թե երբ են կարողանալու երեխային տուն տանել։ «Հրաշալի է, որ երեխան հենց Ամանորին է լույս աշխարհ եկել, քանի որ մոտավորապես այս օրերին է մահացել իմ տատիկը։ Նրա մահից հետո պապիկս մեզ հետ է ապրում ու երեխան կլուսավորի նրա կյանքը»,- ասել է Էմման։
Հետևեք NEWS.am Medicine-ին Facebook-ում և Twitter-ում