Մեծ քանակությամբ շաքար եւ կենդանական ճարպեր պարունակող մթերքները միանգամայն բացասաբար են ազդում անոթների առողջության վրա: Իսկ ո՞ր մթերքներն են օգտակար մեր սիրտ-անոթային համակարգի համար:
Նեխուր
Նեխուրը անոթների համար ամենաօգտակար մթերքներից մեկն է համարվում: Գիտնականների խոսքով՝ նեխուրի օգտագործումը նվազեցնում է արյան մեջ սթրեսի հորմոն կորտիզոլի պարունակությունը, որը վնասում է սրտամկանի առողջությունը: Դրանից բացի, նեխուրը արտերիաներն ավելի ճկուն է դարձնում եւ դանդաղեցնում դրանց պատերին աթերոսկլերոտիկ վահանակների նստվածքի պրոցեսները:
Ձիթապտղի յուղ
Ձիթապտղի յուղի կանոնավոր օգտագործումը օգնում է պահպանել անոթային հյուսվածքի առաձգականությունը, նպաստում է անոթներում խոլեստերինային նստվածքների պակասեցմանը՝ դրանով նվազեցնելով թրոմբների առաջացման հավանականությունը:
Ավոկադո
Ավոկադոն անոթներին նույնքան օգտակար է, որքան ձիթապտղի յուղը: Փորձագետները խորհուրդ են տալիս շաբաթը 3 անգամ ուտել նվազագույնը կես ավոկադո: Դրանից բացի խորհուրդ է տրվում ամեն օր ուտել սխտորի կես պճեղ: Դրա մեջ պարունակվող ալլիցին նյութի շնորհիվ սխտորն էապես ամրացնում է իմունային համակարգը եւ պաշտպանում թրոմբներից:
Գազար
Անոթային խանգարումների կանխարգելման համար լավ միջոց է նաեւ գազարը: Այն մեծ քանակությամբ բետա կարոտին է պարունակում, որի շնորհիվ արյան մեջ խոլեստերինի մակարդակը կարգավորվում է:
Հետևեք NEWS.am Medicine-ին Facebook-ում և Twitter-ում