Առողջապահության փոխնախարար Սերգեյ Խաչատրյանը հերքում է ԳԱՎԻ ֆոնդի հետ աշխատանքում որեւէ ֆինանսական շահի առկայությունը: Մարտի 20-ին «Ազատության» ֆեյսբուքյան մամուլի ասուլիսի ժամանակ նա հայտարարեց, որ այս Ֆոնդից ոչ մի ցենտ դրամաշնորհ եւ աշխատավարձ չի ստացել՝ բացառությամբ թռիչքների եւ գործուղումների ժամանակ կեցության ծախսերի վճարումը:
«Ես ԳԱՎԻ-ի հետ ոչ մի բիզնես շահ չունեմ: Ես Ֆոնդի խորհրդի անդամ եմ, ինչը նախատեսում է մասնակցություն ԳԱՎԻ-ի ռազմավարության եւ ծրագրերի մշակմանը: Այդ թվում՝ ես պետք է ասեմ, որ իմ գործունեության շնորհիվ մենք կարողացել ենք ԳԱՎԻ-ից ֆինանսավորում ստանալ զարգացող երկրների համար, եւ Հայաստանը եւս դրանից կօգտվի դրամաշնորհների տեսքով»,- ասաց նա:
Հիշեցնենք, որ ԳԱՎԻ ֆոնդը, որի հիմնադիրն է համարվում Բիլ Գեյթսը, երկրներին օգնում է պատվաստանյութեր ձեռք բերել: Գարդասիլ պատվաստանյութը նույնպես ձեռք է բերվել ԳԱՎԻ ֆոնդի աջակցությամբ: Այս պատվաստանյութի շուրջ ծավալված աղմուկի ժամանակ Սերգեյ Խաչատարյանին բազմիցս մեղադրել են Հայաստանում գարդասիլով պատվաստումը ներդնելու մեջ անձնական շահագրգռվածության համար:
Հետևեք NEWS.am Medicine-ին Facebook-ում և Twitter-ում