Սիդնեյի Ավստրալական համալսարանի գիտնականների հետազոտությունների համաձայն՝ կանոնավոր կերպով արեւապաշտպան քսուք օգտագործող երիտասարդների շրջանում մաշկի քաղցկեղի զարգացման հավանականությունը 40 տոկոսով կրճատվում է:
Հետազոտության համաձայն, որն անցկացվել է 18-40 տարեկան մարդկանց շրջանում, արեւապաշտպան քսուքի կանոնավոր օգտագործումը 40 տոկոսով նվազեցնում է մելանոմայի զարգացման հավանականությունը նրանց համեմատությամբ, ովքեր արեւապաշտպան միջոցներից հազվադեպ են օգտվում:
Մասնագետներն ուշադրություն են դարձնում մելանոմայի զարգացման եւ արեւային այրվածքների (հատկապես մանկության տարիներին ստացած) փոխկապվածության վրա: Մինչդեռ հետազոտությունը ցույց է տվել, որ արեւապաշտպան քսուքի կանոնավոր օգտագործումը պաշտպանում է արեւի վնասակար ազդեցությունից:
Մելանոման քաղցկեղի առավել տարածված տեսակն է 25-ից մինչեւ 49 տարեկան ավստրալացի տղամարդկանց շրջանում, եւ տարածվածությամբ կրծքագեղձի քաղցկեղից հետո երկրորդը՝ նույն տարիքի ավստրալուհիների շրջանում:
Հետևեք NEWS.am Medicine-ին Facebook-ում և Twitter-ում