Տրեհալոզի շաքարը (չվերականգնվող դիսախարիդների խմբի ածխաջուր) օգտակար է առողջության համար: Նման եզրահանգման են եկել Սենթ Լուիսի Վաշինգտոնի համալսարանի գիտնականները:
Ըստ MedicalXpress-ի՝ տրեհալոզը դրական է ազդում լյարդի վրա: Բացի այդ՝ այն բարձրացնում է ինսուլինի հանդեպ զգայնությունը, ինչի հետեւանքով նվազում է դիաբետի զարգացման վտանգը:
Կրծողների մասնակցությամբ փորձերը ցույց են տվել, որ խմելու ջրի մեջ տրեհալոզի հավելումն օրգանիզմում ALOXE3 գենի ակտիվացման է բերում: Բացի այդ՝ տրեհալոզն արգելափակում է գլյուկոզայի ներթափանցումը լյարդ, ինչը հանգեցնում է արյան միջից գլյուկոզայի կլանմանը, ինչպես նաեւ օրգանիզմում դրա կուտակման նվազմանը:
Գիտնականների կարծիքով՝ այդ պրոցեսն օրգանիզմին թույլ է տալիս ավելի լավ մշակել ինսուլինը:
Դիսախարիդը նաեւ արագացնում է կալորիաների այրման պրոցեսը՝ մեծացնելով մարմնի ջերմաստիճանը, նվազեցնելով լյարդում ճարպերի կուտակումն ու արյան մեջ խոլեստերինի մակարդակը: Բացի այդ, ըստ հետազոտողների, տրեհալոզը խոչընդոտում է մարմնի ընդհանուր զանգվածի մեծացումը:
Հետևեք NEWS.am Medicine-ին Facebook-ում և Twitter-ում