Georgetown University Medical Center-ից գիտնականները նոր միջոց են գտել, որը թույլ է տալիս ազատվել ուղեղում սպիտակուցի տոքսիկ կուտակումներից, որոնք հատուկ են Պարկինսոնի հիվանդությանը:
Այս կուտակումները, որ կոչվում են Լեւիի մարմիններ, վնաս են հասցնում նեյրոններին՝ առաջացնելով նյարդային բջիջների մահը:
Գիտնականներն ուշադրություն են դարձրել USP13 մոլեկուլին, որն օրգանիզմին թույլ չի տալիս Լեւիի մարմինները որպես ագրեսիվ տարր ճանաչել: Գիտնականները ենթադրել են, որ եթե այս մոլեկուլը հեռացնեն, օրգանիզմում կգործարկվի ինքնամաքրման բնական պրոցես, եւ տոքսիկ կուտակումները դուրս կբերվեն:
Հազիվ թե հնարավոր լինի Լեւիի մարմինների առաջացրած վնասվածքները վերականգնել: Սակայն գիտնականները երաշխավորում են, որ հիվանդության առաջընթացը հնարավոր է կանգնեցնել. ինչպես ցույց են տվել մկների վրա կատարված փորձերը, մոլեկուլների արգելափակումը Լեւիի մարմիններից ազատել է: Կուտակումներ այլեւս չեն ձեւավորվել, նեյրոնները չեն մահացել, իսկ կրծողների շարժունակությունը բարելավվել է:
Դեռեւս հայտնի չէ, թե մեթոդը երբ կսկսեն կիրառել մարդկանց վրա, սակայն այս պահին այն բավականին խեստումնալից է թվում:
Հետազոտության մասին հայտնում է Human Molecular Genetics ամսագիրը:
Հետևեք NEWS.am Medicine-ին Facebook-ում և Twitter-ում