Փորձագետները նշում են միզուղիների ինֆեկցիաների (ցիստիտ եւ պիելոնեֆրիտ) դեպքում ստանդարտ ախտորոշման թեստի անարդյունավետության մասին:
The Guardian-ը հայտնում է, որ Լոնդոնի Համալսարանական քոլեջից Ջենիֆեր Ռոնի ղեկավարությամբ գիտնականների խումբը հետազոտություն է անցկացրել պարզելու միզուղիների ինֆեկցիաների դեպքում ախտորոշման ճշգրտությունը: Միզուղիների ինֆեկցիաների ախտանշաններով 33 հիվանդների շրջանում համեմատական վերլուծության են ենթարկվել ստանդարտ թեստի (մեզի միջին չափաբաժնում բակտերիոլոգիական սերմանումը) եւ ԴՆԹ սքանավորման թեստի արդյունքները:
Պարզվել է, որ միայն 6 հիվանդի մոտ է բակսերմանումը դրական եղել, մինչդեռ ԴՆԹ-թեստը ինֆեկցիան հայտնաբերել է բոլոր փորձարկվողների մոտ:
Ստացած արդյունքները առանձնապես կարեւոր են՝ հատկապես հաշվի առնելով այն, որ միզուղիների ինֆեկցիաներ կարող են առաջանալ ողնաշարի վնասվածքներից եւ երիկամների փոխպատվաստումից հետո, ցրված սկլերոզով հիվանդների, հղիների շրջանում: Միզուղիների ինֆեկցիաների սխալ ախտորոշման դեպքում հիվանդությունը բարդություններով է սպառնում, որոնց թվում են սեքսի ժամանակ ցավի զգացողությունը եւ անգամ սեպսիսը:
Հետազոտության արդյունքները հրւապարակվել են Journal of Clinical Microbiology-ում:
Հետևեք NEWS.am Medicine-ին Facebook-ում և Twitter-ում