Ցնցող դեպքը տեղի է ունեցել Շոտլանդիայում. կնոջ փորից աղիքները դուրս են թափվել, երբ կեսարյան հատման կարերը բացվել են:
The Daily Mail-ը հայտնում է, որ Մել Բրեմները վիրահատությունից 5 օր հետո լոգարանում կռացել է շամպունը վերցնելու: Դա բավական է եղել, որ նրա կարերը բացվեն, իսկ աղիքները տառացիորեն դուրս թափվեն: Բարեբախտաբար, կողքին է եղել զուգընկերը՝ Էյդան Ջոնսոնը, որն օգնել է հասնել բազմոցին եւ վերքի վրա սրբիչ գցել՝ սպասելով բուժաշխատողներին:
Մելը Աբերդինի Թագավորական լազարեթ է տեղափոխվել սանիտարական ավիացիայի միջոցով: Կնոջը վիրահատել են, որից հետո նրա առողջական վիճակը կայունացել է: Բժիշկների կարծիքով՝ տեղի ունեցածի պատճառը կարող էր լինել այն, որ կեսարյան հատումը կատարած բժիշկը թելի ծայրը չափազանց կարճ է կտրել կամ էլ բավականաչափ ամուր չի կապել հանգույցը:
Մելը նշում է, որ որոշել է իր պատմությունը հրապարակել, որ պսակազերծի այն առասպելը, թե կեսարյան հատումը թեթեւ վիրահատություն է: «Դա ծանր վիրաբուժական միջամտություն է, սակայն բժիշկները մեզ այդ մասին չեն տեղեկացնում»,- ասել է նա:
Արժի նշել, որ միջադեպը տեղի է ունեցել 2011 թվականին, սակայն այս պատմությունը մինչեւ հիմա չէր հրապարակվում: Միջադեպից հետո Մելը կեսարյան հատմամբ եւս 2 երեխա է ունեցել:
Հետևեք NEWS.am Medicine-ին Facebook-ում և Twitter-ում