Քեմբրիջի համալսարանի գիտնականները յուրահատուկ թեստ են ստեղծել, որը բարձր ճշգրտությամբ կանխագուշակում է կականց մոտ կրծքի քաղցկեղի զարգացման վտանգը ոչ միայն մոտ ապագայում, այլեւ երկար տարիներ անց:
Մեթոդն իրենից ներկայացնում է ԴՆԹ թեստի եւ արյան անալիզի ու կնոջ հիվանդության ընտանեկան պատմության տեղեկատվության, ինչպես նաեւ նրա բժշկական հետազոտությունների արդյունքների համադրությամբ թեստ:
Թեստի հեղինակները պնդում են, որ այն այսօրվա դրությամբ կրծքի քաղցկեղի զարգացման վտանգի կանխատեսման առավել կատարյալ միջոց է:
Թեստում օգտագործվում է ավելի քան 300 գենետիկ ինդիկատոր՝ քաշի, ալկոհոլի օգտագործման մասին տեղեկատվություն եւ այլլ տվյալներ, օրինակ բարձր տարիքի կանանց մոտ դաշտանադադարի շրջանի սկսվելու մասին տեղեկատվություն:
Չնայած առանձին վերցրած այս ասպետկտների մի մասը կրծքի քաղցկեղի զարգացման հավանականության վրա փոքր ազդեցություն է ունենում, ընտանեկան պատմության եւ գենետիկայի հետ մեկտեղ դրանց համադրությունը թույլ է տալիս ընդգծել բարձր ռիսկի խմբի կանանց:
Տվյալ տեղեկատվությունը թույլ է տվել գիտնականներին ստեղծել յուրատեսակ հաշվիչ, որն այսօր կիրառում են ընդհանուր պրակտիկայի բժիշկները, ինչպես նաեւ գենետիկաբան-կոնսուլտանտները:
Նշենք, որ եթե անգամ թեստը կանխատեսի կրծքի քաղցկեղի զարգացման բարձր վտանգը, դա դեռ չի նշանակում, որ կինն անպայման կհիվանդանա: Նա կկարողանա փոխել իր կենսակերպը՝ այն ավելի առողջ դարձնելով:
Իսկ բարձր ռիսկի խմբի մեջ մտնողներին խորհուրդ կտան տամոկսիֆեն ընդունել՝ հորմոնալ դեղ, որը նվազեցնում է կրծքի քաղցկեղի զարգացման վտանգը:
Հետևեք NEWS.am Medicine-ին Facebook-ում և Twitter-ում