Նիդերլանդներում խոշոր սկանդալ է առաջացել: Պարզվել է, որ բժիշկ վերարտադրողաբան Յան Կարբաատը գաղտնի բեղմնավորել է ավելի քան 50 կանանց՝ հայրերի սերմնահեղուկը փոխարինելով սեփականով:
Կարբաատը մահացել է 2017-ին 89 տարեկանում, սակայն տվյալ հանգամանքը չի կարող խանգարել նրա բազմաթիվ երեխաներին փոխհատուցում պահանջել: Այս մասին հաղորդում է RTL Nieuws-ը:
Պոտենցիալ երեխաների կողմից քաղաքացիական հայցերը սկսել են ստացվել այն բանից հետո, երբ Կարբաատը մահվանից առաջ խոստովանել էր արածը:
Այս տարվա փետրվարին դատարանը թույլատրել է նրա ԴՆԹ-ն օգտագործել հայրության թեստի անցկացման համար: Անցկացված թեստերը հաստատել են, որ Կարբաատը առնվազն 49 երեխայի հայր է: Այս թիվը կարող է աճել՝ հաշվի առնելով այն, որ նրա պոտենցիալ երեխաներն ապրում են աշխարհի տարբեր երկրներում:
Կարբաատը IVF կլինիկայում աշխատել է 1980 թվականից մինչեւ փակվելը՝ 2009 թվականը: Փորձագետները մասնավորապես նշել են տվյալ կլինիկայում անպտղության բուժմամբ զբաղվող մասնագետների գործունեության պատճաշ վերահսկողության բացակայության մասին:
Հետևեք NEWS.am Medicine-ին Facebook-ում և Twitter-ում