Ջրծաղիկի դեմ պատվաստանյութ ստացած երեխաները զգալիորեն ավելի հազվադեպ են հիվանդանում գոտեթրմորով: Այս մասին նշվում է Pediatrics ամսագրում հրապարակված նոր հետազոտությունում:
Գոտեթրմորը (herpes zoster) զարգանում է նույն վիրուսից, ինչ եւ ջրծաղիկը վարակվելու արդյունքում: Ջրծաղիկով հիվանդացած մարդու օրգանիզմում վիրուսը մնում է, սակայն իմունային համակարգը սովորաբար այն վերահսկողության տակ է պահում: Սակայն իմունիտետի անկման դեպքում վիրուսը կարող է ակտիվանալ եւ հանգեցնել ցավոտ ցանի առաջացման: Ջրծաղիկով հիվանդացած մարդկանց մոտ մեկ երրորդի մոտ առնվազն մեկ գոտեթրմորի դեպք է լինում:
Թեեւ այդ հիվանդությունը իմունիտետի թուլացման պատճառով հաճախ է հանդիպում տարեց մարդկանց մոտ, երեխաների մոտ նույնպես կարող է գոտեթրմոր զարգանալ:
Kaiser Permanente բժշկական հետազոտությունների կենտրոնի հետազոտողնմերի խոսքով ուսումնասիրության արդյունքները ցույց են տալիս, որ ջրծաղիկի դեմ պատվաստանյութը նվազեցմում է երեխաների մոտ գետթրմորի առաջացման հավանականությունը: Սա ընդգծում է ջրծաղիկի դեմ պատվաստանյութի կրկնակի առավելությունը:
Հետազոտության շրջանակում մասնագեները ուսումնասիրել են 2003-2014 թվականների ավելի քան 6.3 մլն երեխաների էլեկտրոնային բժշկական գրառումները
Երեխաների մոտ 50 տոկոսը պատվաստվել է հետազոտության շրջանում:
Պարզվել է, որ
Հետազոտության 12 տարիների ընթացքում երեխաների մոտ թրմորով հիվանդացության հաճախականությունը 72 տոկոսով նվազել է պատվաստված երեխաների թվի ավելացմանը զուգընթաց
Պատվատսված երեխաների մոտ հիվանդացությունը 78 տոկոսով ցածր է եղել, քան չպատվաստվածների մոտ:
Թույլ իմունիտետով երեխաների մոտ հիվանդացությունը 5-6 անգամ բարձր է եղել, քան ամուր իմունիտետով երեխաների մոտ
Պատվաստվածների եւ չպատվաստվածների խմբում 100 հազար մարդ-տարիների դեպքում գետեթրմորի դեպքերի հարաբերակցությունը եղել է 38/170
Չպատվաստված երեխաների շրջանում գոտեթրմորով հիվանդացությունը 2003-2007 թվականներին աճել է, այնուհետ կտրուկ նվազել է հետազոտության ժամանակահատվածի վերջում: Բանն այն է, որ այդ ընթացքում պատվատսման մակարդակի բարձրացումը նվազեցրել է գոտեթրմորով վարակվելու վտանգը ընդհանուր առմամբ բոլոր երեխաների համար, այդ թվում չպատվաստված: Նվազումը կարող էր կապված լինել նաեւ պատվաստման օրացույցում պատվաստանյութի երկրորդ դոզայի ներգրավմամբ, քանի որ հիվանդացությունը զգալիորեն ցածր էր այն երեխաների մոտ, որոնք ստացել են ոչ թե 1 դոզային, այլ 2 դոզային պատվաստանյութեր:
Հետևեք NEWS.am Medicine-ին Facebook-ում և Twitter-ում