Հակաբիոտիկների նկատմամբ կայուն սուպերբակտերիաները կարող են ողջ մնալ հիվանդանոցներում, որտեղ ենթարկվում են քլորի հիման վրա դեզինֆեկտանտների (հակամիկրոբային դեղամիջոցներ) ազդեցությանը: Այս մասին հայտնում են University of Plymouth-ի (Բրիտանիա) մասնագետները:
Ըստ մասնագետների՝ հիվանդանոցներում վիրաբուժական խալաթների վրա կարող են սուպերբակտերիաներ մնալ անգամ դրանք մանրէազերծումից հետո:
Հետազոտողները մանրէազերծված վիրաբուժական հագուստի վրա Clostridium difficile բակտերիաների 3 տարբեր շտամներ են գտել, որոնք կարող են դիարեա, ջերմություն եւ սրտխառնոց առաջացնել: Ընդ որում բրիտանական հիվանդանոցներում, որտեղ կատարվել է հետազոտությունը, գործում են մանրէազերծման բավականին կոշտ կանոններ եւ բժիշկների ամբողջ հագուստը ինտենսիվ վերամշակման է ենթարկվում քլորի 1000 մասնիկ պարունակող լուծույթով: Քլորակրով մշակումը տեւում է 10 րոպե:
Հետազոտողմերը իրականացրել են հագուստի մանրէազերծման ամբողջ ընթացակարգը:
Պարզվել է, որ բակտերիաների բոլոր 3 շտամները ոչ միայն պահպանվել են խալաթների մակերեսին, այլեւ պահպանվել են նույն ծավալով ինչ մանրէազերծումից առաջ:
Ավելին՝ այդ սպորները շփումից հետո 10 վայրկյանի ընթացքում արագ տեղափոխվել են այլ մակերեսների վրա:
Հետազոտության հեղինակները վախենում են, որ վիրաբույժների վարակված հագուստը կարող է հիվանդանոցներում բակտերիալ ինֆեկցիաների բռնկումնբերի պատճառ լինել:
Թույլ իմունիտետով հիվանդների համար այդ ինֆեկցիաները կարող են ճակատագրական լինել:
Հետազոտության արդյունքները հրապարակվել են Applied andEnvironmental Microbiology ամսագրում:
Հետևեք NEWS.am Medicine-ին Facebook-ում և Twitter-ում