Չինաստանի Ներքին Մոնղոլիա ինքնավար շրջանում այտուցային ժանտախտի արդեն 4-րդ դեպքն է գրանցվել:
Reuters-ի հաղորդմամբ՝ ժանտախտի նոր դեպքը գրանցվել է հովվի մոտ: Այժմ պացիենտի վիճակը կայուն է: Եվս 4 մարդ կարանտինի մեջ է գտնվում:
Նույն շրջանում թոքային ժանտախտ է գրանցվել 55-ամյա տղամարդու մոտ, որը սննդի մեջ վայրի նապաստակի միս է օգտագործել:
Հիշեցնենք, որ ժանտախտը վտանգավոր բակտերիալ հիվանդությունը, որն առաջին հերթին վարակում է վայրի կրծողներին եւ մեկ կենդանուց տարածվում մյուս կենդանու վրա լուերի միջոցով: Մարդիկ, որոնց կծել է վարակված լուն, սովորաբար վարակվում են այտուցային ժանտախտով: Եթե այդ բակտերիաները հասել են թոքերին, ապա պացիենտի մոտ թոքաբորբ է սկսվում:
Եթե այն ժամանակին է ախտորոշվում, ապա կարելի է բուժել հակաբիոտիկների օգնությամբ:
Հետևեք NEWS.am Medicine-ին Facebook-ում և Twitter-ում