Գիտնականները աուտիզմի առաջացման վտանգ պարունակող՝ որոշակի ֆիզիոլոգիական ախտանշանների համար պատասխանատու գենետիկ մուտացիա են հայտնաբերել, տեղեկացնում է NewsMax Health-ը:
Բժիշկներն այսուհետ դեռեւս հղիության շրջանում կարող են CHD8T գենետիկ մուտացիայի առկայության ստուգմանը միտված հետազոտություն իրականացնել՝ համոզվելու համար, որ սպասվող փոքրիկին աուտիզմի վտանգ չի սպառնում:
Բացի այդ, նյարդային համակարգի խանգարումներով ուղեկցվող հիվանդության՝ աուտիզի վաղ ախտորոշումը ծայրահեղ կարեւորություն ունի՝ հիվանդության բուժման տեսանկյունից: Վերջերս իրականացված հետազոտության արդյունքները ցույց են տվել, որ մի քանի ամսական երեխաների մոտ ախտորոշվելու եւ համապատասխան բուժման ենթարկվելու դեպքում հիվանդության ախտանշանները թուլանալու, երբեմն էլ՝ անհետանալու հատկություն են դրսեւորում:
Հետազոտության եղանակները աուտիզմով տառապող ավելի քան 6 հազար երեխաներից 15-ից մոտ CHD8 գենետիկ մուտացիա են հայտնաբերել: Նշված հիվանդները նմանատիպ ֆիզիոլոգիական տվյալներ (մեծ գլուխ եւ ուռուցիկ ճակատ) եւ ախտանշաններ (քնի խանգարումներ, փորկապություն եւ այլ ստամոքսաաղիքային խնդիրներ) են ունեցել:
Այդուհանդերձ, աուտիզիմը բազմաթիվ ու տարատեսակ ենթատիպերով է ի հայտ գալիս, իսկ CHD8 գենետիկ մուտացիան դրանցից ընդամենը մեկի առաջացման ենթադրյալ պատճառն է:
Հետևեք NEWS.am Medicine-ին Facebook-ում և Twitter-ում