Շաբաթական երեք անգամ ուժային մարզումները սպիտակուցային հավելումների համակցությամբ բերում են լյարդի ցիռոզով պացիենտների մկանների աճի եւ ուժեղացման: Այսպիսի եզրակացության են հանգել Օրհուսի համալսարանի գիտնականները:
«Մեր մարզումային նախագիծը ցույց է տվել, որ ուժային մարզումները եւ սպիտակուցային հավելումները կարող են խախտել արատավոր շրջանակը եւ վերականգնել ծանր ախտորոշմամբ պացիենտների մկանները»,- նշել է Օրհուսի համալսարանից հետազոտական խմբի անդամ Լուիզա Աամանը:
Հետազոտությունը, որը նրանք անցկացրել են գործընկերների հետ, տեւել է 12 շաբաթ, դրան մասնակցել է ցիռոզով 39 պացիենտ: Պացիենտների մի մասը շաբաթական 3 անգամ մեկ ժամ զբաղվել է ուժային մարզումներով, իսկ մնացյալը եղել են հսկիչ խմբում: Ընդ որում՝ երկու խումբն էլ նույն ժամանակահատվածում ստացել է դիետոլոգի հանձնարարականներ եւ սպիտակուցային հավելումներ: Ամբողջ ֆիզիկական ակտիվությունը եւ սպիտակուցների գործածումը գրանցվել է օրագրերում:
«Խումբը, որը մարզվել է, ուժային մարզումների 12 շաբաթում մեծացրել է ինչպես մկանային ուժը, այնպես էլ մկանների ծավալը: Դրանից բացի, բարելավվել են այդ մասնակիցների ֆունկցիոնալ հնարավորությունները, ինչը դյուրացրել է առօրյա կյանքը»,- նշել է Աամանը:
Հետևեք NEWS.am Medicine-ին Facebook-ում և Twitter-ում