Կոնտրաստային նյութերի օգտագործմամբ ՄՌՏ անցկացումը կարող է վտանգավոր լինել շրջակա միջավայրի համար՝ պնդում են Տոկիոյի համալսարանի հետազոտողները:
Ինչպես հայտնում է Eurek Alert-ը, գիտնականները ուսումնասիրել են Տոկիոյի գետերում կոնտրաստային նյութերի մեջ պարունակվող գադոլինիումի քանակը:
Կոնտրաստային նյութերում այն կայունացված է, սակայն ամեն ինչ փոխվում է, երբ այն հայտնվում է շրջակա միջավայրում. ուլտրամանուշակագույն ճառագայթների ազդեցության տակ գադոլինիումը թունավոր է դառնում:
Այդ միացության 98 տոկոսը դուրս է բերվում մարդու օրգանիզմից 24 ժամում մեզի միջոցով եւ արդյունքում անցնում կեղտաջրերի համակարգով:
Գիտնականները գետերի ջրերում գադոլինիումի բարձր մակարդակ են հայտնաբերել:
Հաշվի առնելով այն, որ ՄՌՏ-ն կատարում են այդ թվում կոնտրաստի կիրառմամբ, մասնագետները կոչ են անում վերանայել էկոլոգիական ստանդարտներն ու հետազոտել այդ նյութի ազդեցությունը մարդու եւ շրջակա միջավայրի վրա:
Հետևեք NEWS.am Medicine-ին Facebook-ում և Twitter-ում